Document Portal -- Government of Kerala

മനുഷ്യ-വന്യജീവി സംഘർഷം കൈകാര്യം ചെയ്യുന്നതിനുള്ള മാർഗ്ഗനിർദ്ദേശങ്ങൾ

വര്‍ദ്ധിച്ചു വരുന്ന മനുഷ്യ-വന്യജീവി സംഘര്‍ഷം ഒരു സംസ്ഥാന സവിശേഷ ദുരന്തമായി സര്‍ക്കാര്‍ പ്രഖ്യാപിച്ച് ഉത്തരവിറക്കി. മനുഷ്യ-വന്യജീവി സംഘര്‍ഷം ലഘൂകരിക്കുന്ന പ്രവര്‍ത്തനങ്ങള്‍ക്ക് ആവശ്യമായ നിര്‍ദ്ദേശങ്ങള്‍ നല്‍കുന്നതിന് മുഖ്യമന്ത്രി അധ്യക്ഷനായ സംസ്ഥാന തല സമിതി രൂപീകരിച്ചിട്ടുണ്ട്. ചീഫ് സെക്രട്ടറിയുടെ അധ്യക്ഷതയില്‍ സംസ്ഥാനതല ഉദ്യോഗസ്ഥ നിയന്ത്രണ സമിതിയും, ജില്ലാതല നിയന്ത്രണ സമിതിയും, പ്രാദേശികതല ജാഗ്രത സമിതിയും രൂപീകരിച്ചു.മനുഷ്യ-വന്യജീവി സംഘര്‍ഷം കൈകാര്യം ചെയ്യുന്നതിനായുള്ള പ്രവര്‍ത്തനങ്ങള്‍ക്ക് മാര്‍ഗനിര്‍ദ്ദേശങ്ങള്‍ സര്‍ക്കാര്‍ ഉത്തരവായി പുറപ്പെടുവിച്ചു. ഇതനുസരിച്ച് ചീഫ് വൈല്‍ഡ് ലൈഫ് വാര്‍ഡന്‍ മനുഷ്യ-വന്യജീവി സംഘര്‍ഷം കൈകാര്യം ചെയ്യുന്നതിനുള്ള നോഡല്‍ ഓഫീസറായിരിക്കും. വനംവകുപ്പ് ആസ്ഥാനത്ത് കണ്‍ട്രോള്‍ റൂം പ്രവര്‍ത്തിക്കുകയും വാട്‌സ് ആപ്പ് അടക്കമുള്ള ആധുനിക വിവര-വിനിമയ സംവിധാനങ്ങള്‍ പ്രയോജനപ്പെടുത്തുകയും ചെയ്യും. റാപ്പിഡ് റെസ്‌പോണ്‍സ് ടീമുകളെ ശക്തിപ്പെടുത്തുക, വനത്തിനുള്ളില്‍ മൃഗങ്ങള്‍ക്ക് വെള്ളം ലഭ്യമാക്കുക, വന്യജീവി ആക്രമണത്തെ തുടര്‍ന്നുള്ള നഷ്ടപരിഹാര തുക വേഗത്തില്‍ ലഭ്യമാക്കാന്‍ വനംവകുപ്പ് മേധാവിയെ ചുമതലപ്പെടുത്തി എന്നിങ്ങനെ പതിനാറോളം മാര്‍ഗ്ഗനിര്‍ദ്ദേശങ്ങളാണ് സര്‍ക്കാര്‍ അംഗീകരിച്ച് ഉത്തരവായിട്ടുള്ളത്. file:///C:/Users/User/Downloads/govtorder1103202419_32_02.pdf

05-06-2024