ഭിന്നശേഷി സൗഹൃദ സംസ്ഥാനത്തിന് സർക്കാർ നിർദ്ദേശം

• കേരള സർക്കാർ 2016-ലെ ഭിന്നശേഷി അവകാശ നിയമം (RPWD Act, 2016)യും 2017-ലെ Rules & Guidelinesഉം അനുസരിച്ച്, സംസ്ഥാനത്തെ എല്ലാ സർക്കാർ ഓഫിസുകളും പൊതുസ്ഥാപനങ്ങളും ഭിന്നശേഷിക്കാർക്കും സൗകര്യപ്രദമാക്കാൻ നിർദ്ദേശം നൽകി.

  
  

  സർക്കാർ ഓഫിസുകളും സ്ഥാപനങ്ങളും ഭിന്നശേഷി സൗഹൃദ അടിസ്ഥാനസൗകര്യങ്ങൾ ഉറപ്പുവരുത്തണം, SIPDA (Scheme for Implementation of Persons with Disabilities Act)യും ബാരിയർ ഫ്രീ കേരള പദ്ധതിയും വഴി ഫണ്ടുകൾ വിനിയോഗിക്കും, വകുപ്പുതലത്തിൽ സ്റ്റാൻഡേർഡും മാർഗ്ഗനിർദേശങ്ങളും പാലിക്കുന്നതു നിർബന്ധമാക്കി തുടങ്ങി നിരവധി നിർദ്ദേശങ്ങളാണ് സർക്കാർ സർക്കുലറിലൂടെ നൽകിയിട്ടുള്ളത്.

  
  

  ഇതിലൂടെ ഭിന്നശേഷിക്കാർക്കും മറ്റുള്ളവരെ പോലെ സർക്കാർ സേവനങ്ങൾ തടസ്സമില്ലാതെ ലഭിക്കുന്ന സാഹചര്യമുണ്ടാകുന്നു. വീൽചെയർ റാംപ്, ബ്രെയിൽ സൈനേജ്, സൗകര്യപ്രദമായ ശൗചാലയങ്ങൾ, പ്രത്യേക കൗണ്ടറുകൾ തുടങ്ങിയ സൗകര്യങ്ങൾ ഭിന്നശേഷിക്കാർക്ക് ലഭിക്കുന്നു. സർക്കാർ ഓഫീസുകളിലും പൊതുസ്ഥാപനങ്ങളിലും ഭിന്നശേഷിക്കാർക്ക് സ്വതന്ത്രമായ ഇടപെടൽ സാധ്യമാകും.

  
  

  വകുപ്പുകൾക്കിടയിലെ സഹകരണം, സാങ്കേതിക സൗകര്യങ്ങളുടെ വികസനം, പൗരപങ്കാളിത്തം എന്നിവ മുഖാന്തിരം ഭിന്നശേഷി സൗഹൃദസംസ്ഥാനം നിർമ്മിക്കുക എന്നലക്ഷ്യത്തിലേക്കുള്ള സർക്കാർ നീക്കത്തിന്റെ ഭാഗമാണ് ഭിന്നശേഷിക്കാരുടെ അവകാശങ്ങളും സാമൂഹിക നീതിയും ഉറപ്പാക്കുന്ന ഈ നിർദ്ദേശങ്ങൾ. 

  
  

  https://document.kerala.gov.in/documents/circulars/circular2209202514:38:13.pdf

  
  
• സാങ്കേതികപരമായ അന്വേഷണങ്ങൾക്ക്.   27-09-2025